- مظفر النواب
وايد اتفوج مكطوعه اصابعها
واشوغ ويه الشمس ...
ليفوك
واشمس جرحي بالسنبل
تجي روجة شمس ...
تسكي السفن ...
والناس
واتنام ابشرايعها
افه يا كاعي
لو صاحت بوحشة ليل
عد اهلي ابمرابعها
افه ..
يا كاعي ينبت بيج للواوي عنب
ويعرس عليج الذيب
امد صبري اعله صبرج
واحفر اسراديب
افه يا كاعي لو ذبوا عليج سيان طينتهم ...
اكولن كاعي واعرفها
اكولن كاعي
يتنفس ابريتي اترابها
وحبها
وبصلها
والشمس .. والطين
افه يا ناس اعراكنه الطيبين
ليست هناك تعليقات: