متت مرتين وانت بعيد مايت
وروحي مثل سعفة بريح مايت
شبيه العرس والعريس ميت
ابلتو بي ناس والجتال اخية
***
مو هذا البدايه وانت قبله
واليقبلك من جبينك انت قبله
صرت صومي وصلاتي وانت قبله
وفرض سادس صرت انت عليه
***
قرص نعناع خدك وانت هيله
الحسن بس لجنابك وانت هيله
تراب اللحد بيدك وانت هيله
ويظل اسمك حلو وغالي عليه
***
صارلي سنين احبك وانته جاري
هلي منعوني وصلك وانت جاري
الناس ورود خدها وانت جوري
الزمك طيف لو تذبل بديه
***
عِنب بشفاك أريدن سلَ منه
أو على ألوجنات دوماً سلمِنه
ألجفن تدري بغيابك سال منه
دمع.. وبفركتك شفت ألمنيه
ليست هناك تعليقات: