صباح العرداوي
الناس ابهام وانه اطحن بهامين
امنيدي او كَمت اعض نادم بهامين
ضعون الچنت احاديها بهامين
حده وزلزل سبع طبكَات اليه
***
امحمل كالثلاثة ثكَل وثمان
ادور الما يعج بالبيع وثمان
صبحت مسكب الاوزار وثمان
اويلي لو سره الجناز بيه
***
المستقبل اهو مظلم اشوفاي
وحقك صرت ما اسمع ما اشوفاي
اشما اكَلبنه الحچي ميفيد اشوفاي
لان ساسه ردي وابن الرديه
***
من اعمامي كَطعت الياس والراي
وحبي ما اخونه بملك والراي
وسكيك ما اريده بنقط وبراي
لئن كله ضغينة وسم واذيه
ليست هناك تعليقات: